Ahmed Alvi

Add To collaction

29-Dec-2022 عالمی مشاعرہ

یہ عالمی تھا یا کہ تھا لوکل مشاعرہ
نا شاعروں کے بوجھ سے بوجھل مشاعرہ 

جن کو نوازا دوست اور احباب تھے سبھی 
اردو مشاعروں کے سیاہ باب تھے سبھی 

تھے جو ردیف قافیہ بحروں سے نا بلد 
ان کے ہی پاس عالمی شاعر کی تھی سند 

بھائی بھتیجہ کیا ہے پڑوسی نہیں چھٹا 
اس واسطے مشاعرہ چوراہے پر لٹا  

یوں دوستو کا قرض چکایا گیا یہاں 
جہلا کو بھی ادیب بتایا گیا یہاں 

دنیا میں فنِ شعر کا ماہر نہیں ملا 
نا شاعروں کی بھیڑ میں شاعر نہیں ملا

ڈائس پہ یوں تو بیٹھے تھے چہرے کئی حسین
لیکن مشاعرے سے ندارد تھے ناظرین

اک شاعرہ جو آئی تھی شاعر کے ساتھ میں
اک منتظم کے بیڈ پہ سوئی تھی رات میں

کچھ عالمی تو گاؤں سے اپنے بلائے تھے 
جن سے ادب کے منچ پہ مجرے کرائے تھے 


عالمی مشاعرہ 
اُن شاعروں پہ دوستو ہوتا ہے غور اب 
دانشوروں کو پڑھتے ہیں جو دانی شور اب  

جن کو بتایا فورنر وہ فورنر نہ تھے 
غزلوں میں ان کی شعر کئی معتبر نہ تھے 

لاغر تھے اس قدر سحر و شام کے نہ تھے 
شاعر سفارشی تھے کسی کام کے نہ تھے 

اس واسطے بھی پست ہوا تھا مشاعرہ 
بیڑی کے شاعروں نے پڑھا تھا مشاعرہ    

فہرست میں آیا کوئی دو گھونٹ پلا کے 
 ابلیس کو مسرور تھا بریانی کھلا کے 
 
سب اہتمام ناچنے گانے کے لئے تھا 
غالب کا نام ناچنے گانے کے لئے تھا 

دلّی میں آج لوٹ تھی غالب کے نام کی 
 ہم نے سنی نہ شاعری کوئی بھی کام کی 
 
اردو کے یہ ادارے مقابر کی طرح ہیں 
اردو کے ذمے دار مجاور کی طرح ہیں

   17
3 Comments
avatar

Dr. SAGHEER AHMAD SIDDIQUI

30-Dec-2022 01:27 PM

Nice

Reply

avatar

Simran Bhagat

30-Dec-2022 01:23 PM

بہت عمدہ

Reply

avatar

Anuradha

30-Dec-2022 01:14 PM

بہت خوبصورت

Reply